ထိုင်းနိုင်ငံတွင် ဖမ်းဆီးထိန်းသိမ်းခံနေရသော မြန်မာနိုင်ငံသားများနှင့်ပတ်သက်၍ မေတ္တာရပ်ခံစာများ ပေးပို့ခြင်း

၂၈-၉-၂၀၁၅ နေ့တွင် ထိုင်းနိုင်ငံ (တောင်ပိုင်း)၊ ရနောင်းမြို့တွင် အသက် (၁၈) နှစ်အရွယ် ကျောင်းသူတစ်ဦးကို သတ်ဖြတ်သည်ဟူသော သံသယဖြင့် မြန်မာနိုင်ငံသား၊ ထားဝယ်မြို့ဇာတိ၊ ညီအစ်ကို ၂ ဦးဖြစ်သော မိုးဇင်အောင်၊ အသက် (၁၅) နှစ်နှင့် ကျော်ရဲအောင်၊ အသက် (၁၆) နှစ်တို့ကို ထိုင်းနိုင်ငံရဲတပ်ဖွဲ့က ၂၀-၁၀-၂၀၁၅ ရက်နေ့၌ ဖမ်းဆီးခဲ့သည်ဟု ကြားသိရသဖြင့် ၎င်းတို့သည် မြန်မာ နိုင်ငံသားများဖြစ်စေကာမူ ထိုင်းနိုင်ငံတွင် အလုပ် လုပ်ကိုင်နေသည့် အလုပ်သမားများဖြစ်ခြင်း ကြောင့် ထိုင်းနိုင်ငံ တရားဥပဒေ၏ကာကွယ်စောင့်ရှောက်မှုကို ခံယူရရှိရေး၊ လူသားချင်းစာနာ ထောက်ထားသော စိတ်ဖြင့် ပြုမူဆက်ဆံရေး၊ ကျန်းမာရေးစောင့်ရှောက်မှုပေးရေး၊ ရှေ့နေနှင့် တွေ့ဆုံခွင့်ပြုရေး၊ စနစ်တကျစုံစမ်းဖော်ထုတ်ရေး၊ အမှန်တကယ်ပြစ်မှု ကျူးလွန်ခြင်း မရှိပါက လွတ်မြောက်ရေး၊ ပြစ်မှု ကျူးလွန်သည်ဆိုပါက အသက် ၁၈ နှစ် မပြည့်သေးသော လူငယ်များ ဖြစ်သည့်အတွက် နိုင်ငံတကာ ကလေး သူငယ်ဥပဒေနှင့်အညီ သက်ညှာစွာတရားစီရင်ရေးတို့အတွက် ထိုင်းနိုင်ငံခြား ရေးဝန်ကြီးဌာန နှင့်ဆက်သွယ်၍ ကူညီဆောင်ရွက်ပေးပါရန် ၂၇-၁၀-၂၀၁၅ နေ့တွင် မြန်မာနိုင်ငံ အမျိုးသား လူ့အခွင့်အရေး ကော်မရှင်က မြန်မာနိုင်ငံ၊ နိုင်ငံခြားရေးဝန်ကြီးဌာနသို့လည်းကောင်း၊ ထိုင်းအမျိုးသား လူ့အခွင့်အရေးကော်မရှင်သို့လည်းကောင်း မေတ္တာရပ်ခံစာ ပေးပို့ခဲ့ကြောင်း သိရှိရပါသည်။

ကော့သောင်းမြို့နှင့် မြိတ်မြို့တို့တွင် တည်ရှိသော အကျဉ်းထောင်နှင့် အချုပ်ခန်းများအား မြန်မာနိုင်ငံ အမျိုးသားလူ့အခွင့်အရေး ကော်မရှင်မှ ကြည့်ရှုစစ်ဆေးခြင်း

မြန်မာနိုင်ငံ အမျိုးသား လူ့အခွင့်အရေး ကော်မရှင်မှ အဖွဲ့ဝင်များဖြစ်ကြသော ဦးဇော်ဝင်းနှင့် ဒေါက်တာဉာဏ်ဇော်တို့သည် ကော်မရှင်ရုံးဝန်ထမ်းများ လိုက်ပါလျက် ၆-၁၀-၂၀၁၅ ရက်နေ့မှ ၁၀-၁၀-၂၀၁၅ ရက်နေ့ထိ တနင်္သာရီတိုင်းဒေသကြီး၊ ကော့သောင်း မြို့နှင့် မြိတ်မြို့တို့တွင် တည်ရှိသော အကျဉ်းထောင်နှင့် အချုပ်ခန်းများအား ကြည့်ရှု စစ်ဆေး၍ စစ်ဆေးတွေ့ရှိချက်များနှင့် အကြံပြု တိုက်တွန်းချက်များကို ပြည်ထဲရေး ဝန်ကြီးဌာနသို့ ပေးပို့ခဲ့ကြောင်း၊ မြန်မာနိုင်ငံ အမျိုးသားလူ့အခွင့်အရေး ကော်မရှင်၏ Website ဖြစ်သော www.mnhrc.org.mm တွင်လည်း သတင်းထုတ်ပြန်ချက်အမှတ် (၁၄/၂၀၁၅) ကို ဖော်ပြခဲ့ပါသည်။

          အလားတူ မြန်မာနိုင်ငံ အမျိုးသားလူ့အခွင့်အရေး ကော်မရှင်သည် ၂၀၁၅ ခုနှစ်၊ မတ်လအ တွင်း ရန်ကုန်တိုင်းဒေသကြီး၊ အင်းစိန်ဗဟိုအကျဉ်းထောင်ကိုလည်းကောင်း၊ ဧပြီလအတွင်း ရခိုင်ပြည်နယ်၊ စစ်တွေမြို့နှင့် ဘူးသီးတောင်မြို့များတွင် တည်ရှိသော အကျဉ်းထောင်နှင့် အချုပ်ခန်းများကိုလည်းကောင်း၊ မေလအတွင်း ရှမ်းပြည်နယ်၊ မိုင်းဆတ်မြို့ အကျဉ်းထောင်ကိုလည်းကောင်း၊ ဇူလိုင်လအတွင်း မန္တလေးတိုင်း ဒေသကြီး၊ မန္တလေးမြို့ ဗဟိုအကျဉ်းထောင်၊ ပုသိမ်ကြီးမြို့ ကျောက်ထုတ်အလုပ်စခန်းများနှင့် ရှမ်းပြည်နယ်၊ လားရှိုးမြို့၊ သီပေါမြို့နှင့် နောင်ချိုမြို့နယ်များအတွင်း တည်ရှိသော အကျဉ်းထောင်နှင့် အလုပ်စခန်းများကိုလည်းကောင်း၊ ဩဂုတ်လအတွင်း ပဲခူးတိုင်း ဒေသကြီး၊ သာယာဝတီဗဟိုအကျဉ်းထောင်ကိုလည်းကောင်း ကြည့်ရှုစစ်ဆေးခဲ့ပါသည်။

မြန်မာနိုင်ငံအမျိုးသားလူ့အခွင့်အရေးကော်မရှင် မှ လူ့အခွင့်အရေးဆိုင်ရာ အသိပညာပေး ဆွေးနွေးဟောပြောပွဲများ ဆက်လက်ကျင်းပ

အောက်တိုဘာ ၂၃ နေပြည်တော်

မြန်မာနိုင်ငံ အမျိုးသား လူ့အခွင့်အရေး ကော်မရှင်သည် လူ့အခွင့်အရေးဆိုင်ရာ အသိပညာ ဗဟုသုတများကို စက်တင်ဘာလ ၇ ရက်နေ့မှစ၍ နေပြည်တော်ရှိ ပြည်ထောင်စုဝန်ကြီးဌာနများနှင့် ပြည်ထောင်စု အဆင့်ဌာနကြီးများသို့ သွားရောက် ဆွေးနွေး ဟောပြောလျှက်ရှိရာ ယနေ့ အောက်တိုဘာလ ၂၃ ရက်နေ့ ညနေပိုင်းတွင် ကော်မရှင်ဥက္ကဋ္ဌ ဦးဝင်းမြနှင့် ကော်မရှင် အဖွဲ့ဝင် ဦးဇော်ဝင်းတို့အဖွဲ့သည် ပြည်ထောင်စုလွှတ်တော်မှ ဝန်ထမ်း ၆၀ ဦး၊ အမျိုးသားလွှတ်တော်မှ ဝန်ထမ်း ၅၀ ဦး၊ ပြည်သူ့လွှတ်တော်မှ ဝန်ထမ်း ၁၀၀ ဦး စုစုပေါင်း ၂၁၀ ဦးတို့အား လွှတ်တော်ဝင်း ဇမ္ဗူသီရိဆောင်တွင်လည်းကောင်း၊ ကော်မရှင်အဖွဲ့ဝင် ဦးယုလွင်အောင်နှင့် ဒေါက်တာမြင့်ကြည် တို့ပါဝင်သောအဖွဲ့သည် နံနက်ပိုင်း၌ နိုင်ငံတော်သမ္မတရုံးမှ ဝန်ထမ်း ၅၀ ဦးနှင့် ပြည်ထောင်စုအစိုးရအဖွဲ့ရုံးမှ ဝန်ထမ်း ၉၀ ဦး စုစုပေါင်းဝန်ထမ်း ၁၄၀ ဦးတို့ကို နိုင်ငံတော်သမ္မတရုံးတွင် လည်းကောင်း၊ ညနေပိုင်းတွင် ကာကွယ်ရေး ဦးစီးချုပ်ရုံးမှ ဗိုလ်မှူးချုပ် ၁ ဦး၊ ဗိုလ်မှူးကြီး ၁၄ ဦး၊ ဒုဗိုလ်မှူးကြီး ၃၈ ဦး၊ အပါအဝင် အရာရှိ ၂၅၄ ဦး၊ အခြား အဆင့်စစ်မှုထမ်း ၃၀၀ ဦး စုစုပေါင်း ၅၅၄ ဦး တို့အား နဝဒေးခန်းမ၌ လည်းကောင်း ဆွေးနွေးဟောပြောမှုများ ပြုလုပ်ခဲ့ ကြပါသည်။

ဆွေးနွေးဟောပြာရာတွင် လူ့အခွင့်အရေး၏ သမိုင်းကြောင်းနှင့် အနှစ်သာရများ၊ အမျိုးသား လူ့အခွင့်အရေး ကော်မရှင် နှင့် လုပ်ဆောင်ချက်များ၊ ကော်မရှင်ဥပဒေနှင့် တိုင်တန်းချက်များ အကြောင်းများနှင့် မြန်မာနိုင်ငံကလက်မှတ်ရေးထိုး လက်ခံကျင့်သုံးလျက်ရှိသည့် ကလေးသူငယ်အခွင့်အရေးဆိုင်ရာ သဘောတူစာချုပ် အမျိုးသမီးများအား နည်းမျိုးစုံဖြင့် ခွဲခြားမှု ပပျောက်ရေးဆိုင်ရာ သဘောတူစာချုပ်၊ မသန်စွမ်းသူများ အခွင့်အရေးဆိုင်ရာ သဘောတူစာချုပ်များ အကြောင်းများကို အကျဉ်းချုပ်ရှင်းလင်း ဆွေးနွေးဟောပြောခဲ့ကြရာ တက်ရောက်ကြသူ ဝန်ထမ်းများမှ စိတ်ပါဝင်စားစွာ ပါဝင်ဆွေးနွေးခဲ့ကြ ကြောင်းနှင့် ယနေ့ဟောပြောမှုများ အပါအဝင် ဌာနကြီးပေါင်း ၄၀ ကိုဟောပြော ပြီးစီးပြီဟု သတင်းရရှိသည်။

အရွယ်မရောက်သေးသော အိမ်အကူ မိန်းကလေးငယ် မသန်းသန်းအိအား ညှဉ်းပန်းနှိပ်စက်မှုနှင့် ပတ်သက်၍ မြန်မာနိုင်ငံအမျိုးသားလူ့အခွင့်အရေးကော်မရှင်၏ ဆောင်ရွက်ချက် သတင်း

၁။      အရွယ်မရောက်သေးသော အိမ်အကူမိန်းကလေးငယ်တစ်ဦးအား ညှဉ်းပန်းနှိပ်စက်မှုနှင့် ပတ်သက်သည့်သတင်းများကို မြန်မာနိုင်ငံအမျိုးသားလူ့အခွင့်အရေးကော်မရှင်သည် မီဒီယာများမှ တစ်ဆင့် ၇-၈-၂၀၁၅ နေ့တွင် ကြားသိရသဖြင့် ကော်မရှင်အဖွဲ့ဝင် ဒေါက်တာဉာဏ်ဇော်နှင့် ကော်မရှင်ရုံး ဝန်ထမ်း ၂ ဦးတို့အား အခင်းဖြစ်ပွားရာ ရန်ကုန်တိုင်းဒေသကြီး၊ မြောက်ဒဂုံမြို့နယ် အတွင်းသို့ ကွင်းဆင်းစစ်ဆေးစေခဲ့ပါသည်။

၂။      စုံစမ်းစစ်ဆေးချက်များအရ ရန်ကုန်တိုင်းဒေသကြီး၊ မြောက်ဒဂုံမြို့နယ်၊ (၄၁) တိုးချဲ့ရပ်ကွက်၊ ဦးဝိစာရလမ်း၊ တော်ဝင်အိမ်ရာ၊ အမှတ် (၂၄)၊ အခန်း (၃) တွင် နေထိုင်သူ ဒေါ်အေးအေးဝင်းမှ မသန်းသန်းအိအား ၎င်း၏နေအိမ်တွင် အိမ်အကူအဖြစ် လုပ်ကိုင်ပေးရန် လွန်ခဲ့သော ၃ နှစ်ခန့်က မသန်းသန်းအိ၏ ဖခင်ထံတွင်ပြောဆို၍ ခေါ်ဆောင်သွားခဲ့ရာ အိမ်ရောက်ပြီး တစ်လလောက်မှစ၍ ညှဉ်းပန်းနှိပ်စက်မှုများခံခဲ့ရကြောင်း၊ ၁၄-၇-၂၀၁၅ ရက်နေ့တွင် မသန်းသန်းအိသည် ၎င်းနေထိုင် သောအိမ်မှ ညှဉ်းပန်းနှိပ်စက်ခြင်းကို မခံနိုင်တော့သည့်အတွက် ထွက်ပြေးခဲ့ပြီး လမ်းတစ်ဘက်ရှိ အိမ်တွင် ပုန်းခိုနေစဉ် ၎င်းအိမ်ရှင်မှ ရပ်ကွက်အုပ်ချုပ်ရေးမှူးရုံးသို့ ပို့ဆောင်ပေးခဲ့ရာမှ ၁၅-၇-၂၀၁၅ ရက်နေ့တွင် မြောက်ဥက္ကလာပမြို့နယ် မေဓါဝီဆေးရုံသို့ ပို့ဆောင်ကုသခဲ့ရကြောင်း၊ ခေါင်းနှင့် ခြေထောက်ရှိ ဒဏ်ရာများ ပြင်းထန်သောကြောင့် ဆေးရုံတွင် ၆ ရက် တက်ခဲ့ရကြောင်း၊ ၁၇-၇-၂၀၁၅ နေ့တွင် မြောက်ဒဂုံရဲစခန်း၌ အမှုဖွင့်ခဲ့ရာ ၎င်းနေ့တွင်ပင် ပြစ်မှု ကျူးလွန်သူ ဒေါ်အေးအေးဝင်းအား ရဲစခန်းမှ သွားရောက်ဖမ်းဆီးသော်လည်း ဒေါ်အေးအေးဝင်းက သီလရှင်ဝတ်မည်ဟု ပြောဆိုပြီး ထွက်ပြေးတိမ်းရှောင်နေကြောင်း သိရှိရပါသည်။

၃။      လူ့အခွင့်အရေးကော်မရှင်၏ စစ်ဆေးတွေ့ရှိချက်အရ မသန်းသန်းအိအား နှိပ်စက်ညှဉ်းပန်း သူသည် ဒေါ်အေးအေးဝင်းတစ်ဦးတည်းသာမကဘဲ သမီး ခင်သန္တာဦး (ခ) ဟယ်လင် (ဘ) ဦးကျော်ဝင်း၊ သားမက် မျိုးဇော်ထက် (ခ) ငစား (ဘ) ဦးမြင့်အောင်၊ သားဖြစ်သူ အေးကျော်ဝင်း (ဘ) ဦးကျော်ဝင်းတို့ လေးဦးပါဝင်နေကြောင်း ဖော်ထုတ် သိရှိရသဖြင့် သက်ဆိုင်ရာသို့ အသိပေးဆောင်ရွက်ခဲ့ရာ မြန်မာနိုင်ငံအမျိုးသားလူ့အခွင့်အရေးကော်မရှင်သည် ပြစ်မှု ကျူးလွန်သူများကို တရားစွဲဆိုနိုင်ရန်အတွက် အမှုအားခိုင်မာစွာတည်ဆောက်ပေးနိုင်ပါရန် ရန်ကုန်တိုင်း ဒေသကြီး ဥပဒေချုပ်ရုံးနှင့် တိုင်းရဲတပ်ဖွဲ့မှူးရုံးသို့လည်းကောင်း၊ အမျိုးသမီးငယ်၏ နစ်နာဆုံးရှုံးမှုများ အတွက် ထိုက်သင့်သည့် ကူညီစောင့်ရှောက်မှုများပေးနိုင်ပါရန် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနှင့် ရန်ကုန်တိုင်းဒေသကြီး အရှေ့ပိုင်းခရိုင်၊ အမျိုးသမီးရေးရာ အဖွဲ့တို့ သို့လည်းကောင်း၊ အသက်အထောက်အထားအတွက် နိုင်ငံသားမှတ်ပုံတင်ရရှိရေး ကူညီ ဆောင်ရွက်ပေးပါရန် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနသို့ လည်းကောင်း မေတ္တာ ရပ်ခံ ညှိနှိုင်းခဲ့ပါ သည်။

၄။      သို့ဖြစ်၍ ရန်ကုန်တိုင်းဒေသကြီးဥပဒေချုပ်ရုံးက ပြစ်မှုကျူးလွန်သူများအား ပြစ်မှုဆိုင်ရာ ဥပဒေပုဒ်မ ၂၉၄၊ ပုဒ်မ ၃၂၅၊ ပုဒ်မ ၃၅၄ နှင့် ပုဒ်မ ၅၀၆ တို့ဖြင့် တရားရုံးသို့ တရားစွဲတင်ခဲ့ပြီးဖြစ်ကြောင်း၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီး ဌာနကလည်း အမှုပြီးမြောက်ချိန်တွင် မသန်းသန်းအိမှ ဆန္ဒရှိပါက လူမှု ဝန်ထမ်းဦးစီးဌာန လက်အောက်ရှိ ရန်ကုန်မြို့၊ အမျိုးသမီး သက်မွေးအတတ်ပညာသင်ကျောင်းတွင် လက်ခံ စောင့် ရှောက်ပေးနိုင်ရေးအတွက် ဆောင်ရွက်ထားရှိပါကြောင်း ၂၉-၉-၂၀၁၅ ရက်နေ့တွင် ပြန်ကြားခဲ့ကြသည် ဟုသတင်း ရရှိပါသည်။

အိမ်ရှင်ဖြစ်သူမှအိမ်အကူမအေးအေးမွှေးအား ညှဉ်းပန်းနှိပ်စက်ခြင်းကိစ္စနှင့်ပတ်သက်သည့် သတင်း

၁။      အိမ်ရှင်ဖြစ်သူမှ အိမ်​အကူမအေးအေးမွှေးအား ညှဉ်းပန်းနှိပ်စက်ခြင်းကို အရေးယူပေးပါရန် တိုင်တန်းလာ သည့် ကိစ္စနှင့်ပတ်သက်၍ မြန်မာနိုင်ငံအမျိုးသားလူ့အခွင့်အရေးကော်မရှင်၏ တာဝန်ပေးချက်အရ ကော်မရှင်ရုံးမှ ဒုတိယညွှန်ကြားရေးမှူးဦးသူရကျော်နှင့်အဖွဲ့သည် အခင်းဖြစ်ပွားရာ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်သို့ သွားရောက်စစ်ဆေးခဲ့ပါသည်။

၂။      စုံစမ်းစစ်ဆေးချက်များအရဧရာဝတီတိုင်းဒေသကြီး၊ မောင်းတီးကျေးရွာနေ တိုင်တန်းသူ မအေးအေးမွှေး (ဘ)ဦးကြာအေး၊ အသက်(၂၂)နှစ်သည် ၂၀၁၅ခုနှစ်၊ ဧပြီလမှစ၍ စက်တင်ဘာ(၁၉) ရက်နေ့ အထိသင်္ဃန်းကျွန်းမြို့နယ်၊ နနွင်းကုန်းရပ်ကွက်၊ အမှတ်-၂၀၁၊ သုဒဿနလမ်းရှိ ဒေါ်နီလာမြင့်အိမ်တွင် လစာ(၇ဝဝဝဝိ/-)ကျပ်ဖြင့် အိမ်​အကူ အလုပ်လုပ်ခဲ့ကြောင်း၊ တစ်လ ခန့်ကြာသောအခါ အိမ်ရှင်ဖြစ်သူမှ အကြောင်းအမျိုးမျိုးရှာ၍ ရိုက်နှက်ကြောင်း၊ ၂၀၁၅ခုနှစ်၊ စက်တင်ဘာ (၁၇၊ ၁၈၊ ၁၉)ရက်နေ့တွင် ဖန်ခွက်ဖြင့်ပစ်ပေါက်ခြင်း၊ တုတ်ဖြင့်ရိုက်သောကြောင့် ဦးခေါင်းကွဲ၍ သင်္ဃန်းကျွန်းစံပြဆေးရုံကြီးတွင် (၅)ချက်ချုပ်ခဲ့ရပြီး၊ အခြားနေရာများတွင် ညိုမည်းသော ဒဏ်ရာများရရှိခဲ့ကြောင်း၊ ဦးခေါင်းတွင်ရရှိသော ဒဏ်ရာမှာပြင်းထန်သဖြင့် ယခုအခါ ရန်ကုန်ပြည်သူ့ဆေးရုံကြီး၊ ဦးနှောက်နှင့်အာရုံကြောဌာနတွင် အတွင်းလူနာအဖြစ် တက်ရောက် ကုသနေကြောင်း၊ ၂၀-၉-၂၀၁၅ ရက်နေ့တွင် သင်္ဃန်းကျွန်းမြို့နယ်ရဲစခန်း၌ ပြစ်မှုဆိုင်ရာ ဥပဒေပုဒ်မ၂၉၄၊ ပုဒ်မ၃၂၅၊ ပုဒ်မ၅၀၆တို့ဖြင့် အမှုဖွင့်တိုင်တန်းထားကြောင်း သိရှိရပါသည်။

၃။      ထို့ကြောင့် ဥပဒေနှင့်အညီအရေးယူ ဆောင်ရွက်ပေးနိုင်ရေးအတွက် မြန်မာနိုင်ငံအမျိုးသား လူ့အခွင့်အရေး ကော်မရှင်မှ သက်ဆိုင်ရာဌာနများသို့ မေတ္တာရပ်ခံ အကြောင်းကြား ထားပြီးဖြစ်ကြောင်း သတင်းရရှိပါသည်။

MNHRC မှ SEANF ဥက္ကဋ္ဌတာဝန် ထမ်းဆောင်ခြင်း

မြန်မာနိုင်ငံအမျိုးသားလူ့အခွင့်အရေးကော်မရှင်က အရှေ့တောင်အာရှအမျိုးသားလူ့အခွင့်အရေး အဖွဲ့အစည်းများဖိုရမ် ဥက္ကဋ္ဌတာဝန်ထမ်းဆောင်ခြင်း

၂၀၁၅ ခုနှစ် ၊ အောက်တိုဘာလ ၅ရက်

         အရှေ့တောင်အာရှ အမျိုးသား လူ့အခွင့်အရေးအဖွဲ့အစည်းများဖိုရမ် (The South East Asia National Human Rights Institutions Forum – SEANF) သည် အရှေ့တောင်အာရှ ဒေသတွင်း အမျိုးသားလူ့အခွင့်အရေး အဖွဲ့အစည်းများ ဖွဲ့စည်းတည်ထောင်ထားသော အင်ဒိုနီးရှား၊ မလေးရှား၊ မြန်မာ၊ ဖိလစ်ပိုင်၊ ထိုင်းနှင့် တီမောလက်စ်တေ စသည့် နိုင်ငံ(၆)နိုင်ငံမှ အမျိုးသား လူ့အခွင့်အရေးအဖွဲ့ အစည်းများဖြင့် ဖွဲ့စည်းထားသော လွတ်လပ်သည့် ဒေသခွဲ လူ့အခွင့်အရေးဖိုရမ် တစ်ရပ် ဖြစ်ပါသည်။

          ၂၀၁၅ခုနှစ်၊ စက်တင်ဘာလ ၂၉ ရက်နေ့မှ ၃၀ ရက်နေ့အထိ မလေးရှားနိုင်ငံ၊ ပူထရာဂျာယာ မြို့၌ ကျင်းပသော အရှေ့တောင်အာရှ အမျိုးသား လူ့အခွင့်အရေး အဖွဲ့အစည်းများဖိုရမ်၏(၁၂)ကြိမ်မြောက် နှစ်ပတ်လည် အစည်းအဝေးသို့ မြန်မာနိုင်ငံ အမျိုးသား လူ့အခွင့်အရေး ကော်မရှင် ဥက္ကဋ္ဌ ဦးဝင်းမြ နှင့် အဖွဲ့ဝင် ဦးညွန့်ဆွေတို့ တက်ရောက်ခဲ့ကြသည်။

          နှစ်ပတ်လည် အစည်းအဝေးကို လူ့အခွင့်အရေး မြှင့်တင်ရေးနှင့် ကာကွယ်ရေးတွင် အမျိုးသား လူ့အခွင့်အရေး အဖွဲ့အစည်းများ၏ အခန်းကဏ္ဍနှင့် စပ်လျဉ်းသော ဆွေးနွေးပွဲနှင့် အရှေ့တောင်အာရှ အမျိုးသားလူ့အခွင့်အရေး အဖွဲ့ အစည်းများဖိုရမ်၏ (၁၂) ကြိမ်မြောက် နှစ်ပတ်လည် အစည်း အဝေးဟူ၍ (၂)ပိုင်းခွဲ၍ ကျင်းပပါသည်။ အဆိုပါ ဆွေးနွေးပွဲသို့ အရှေ့တောင်အာရှ အမျိုးသား လူ့အခွင့်အရေးအဖွဲ့အစည်းများဖိုရမ်အဖွဲ့ဝင်နိုင်ငံများ၊အစိုးရဌာနများ၊ကုလသမဂ္ဂအဖွဲ့ အစည်းများ၊ အစိုးရမဟုတ်သော အဖွဲ့အစည်းများ ၊ ပညာရပ်ဆိုင်ရာ အဖွဲ့အစည်းများ နှင့် မီဒီယာတို့မှ ကိုယ်စားလှယ်များ အပါအဝင် စုစုပေါင်း (၁၀၈) ဦး ပါဝင်တက်ရောက်ခဲ့ကြပါသည်။

          SEANF ဥက္ကဋ္ဌတာဝန်ကို အဖွဲ့ဝင်များက အလှည့်ကျ တာဝန်ထမ်းဆောင်သည့် မူအရ SEANF ၏(၁၂)ကြိမ်မြောက် နှစ်ပတ်လည် အစည်းအဝေး အပြီးတွင် ဥက္ကဋ္ဌတာဝန်ကို မြန်မာနိုင်ငံအမျိုးသား လူ့အခွင့်အရေး ကော်မရှင် ဥက္ကဋ္ဌထံသို့ မလေးရှားနိုင်ငံ လူ့အခွင့်အရေး ကော်မရှင် ဥက္ကဋ္ဌက လွှဲပြောင်းပေးအပ်ပါသည်။ထို့ပြင် SEANF အဖွဲ့ဝင်များသည် အကြံပြုချက်များ ပါဝင်သော SEANF ၏သတင်းထုတ်ပြန်ချက် တစ်စောင်ကို (၂၇) ကြိမ်မြောက် အာဆီယံ ထိပ်သီးအစည်းအဝေး အကြိုအဖြစ် ထုတ်ပြန်ခဲ့ကြသည်။

(ANNEX)

imagesimages1images2images1images3images

COMMUNIQUÉ

issued by

The South East Asia National Human Rights Institutions Forum (SEANF)

ahead of the 27th ASEAN Summit in November 2015

  1. The South East Asia National Human Rights Institutions Forum (SEANF) is an independent sub-regional human rights forum comprising the six existing national human rights institutions (NHRIs) in South East Asia, namely the NHRIs of Indonesia, Malaysia, Myanmar, the Philippines, Thailand and Timor Leste. Established formally in 2007, SEANF envisages to promote greater respect for and fulfilment of human rights in South East Asian nations.
  1. SEANF congratulates ASEAN for the significant progress it has accomplished especially in the recent past. SEANF also commends ASEAN for the countless efforts it has undertaken towards fulfilling its raisons d’etre for the betterment of the lives of its peoples. The establishment of the much anticipated ASEAN Community by year’s end will mark a new beginning in ASEAN’s journey towards fostering a region of lasting peace, security and stability, sustained economic growth, shared prosperity and social progress, as envisioned in the ASEAN Charter.
  1. In ASEAN’s endeavour to achieve the ends of the soon-to-be adopted ASEAN Community’s Post-2015 Vision, and to realise a truly people-oriented, people-centred and rules-based ASEAN Community, we, Members of SEANF respectfully submit the following recommendations to ASEAN Heads of States/Governments ahead of the 27th ASEAN Summit scheduled to be held in Kuala Lumpur in November 2015:

International Human Rights Mechanisms

i. That ASEAN Member States become parties to the core international human rights instruments and take concrete measures to harmonise their domestic laws with international human rights standards;

ii. That ASEAN Member States engage actively with the human rights mechanisms of the United Nations including the Universal Periodic Review (UPR), Treaty Bodies and Special Procedures;

ASEAN Human Rights Instruments and Mechanisms

iii. That ASEAN Member States uphold and adhere to the ASEAN Human Rights Declaration (AHRD) and other ASEAN instruments relating to the promotion and protection of human rights including the ASEAN Declaration against Trafficking in Persons Particularly Women and Children, the Declaration on the Elimination of Violence Against Women in the ASEAN Region and the ASEAN Declaration on the Promotion and Protection of the Rights of Migrant Workers;

iv. That the ASEAN Intergovernmental Commission on Human Rights (AICHR) and the ASEAN Commission on the Promotion and Protection of the Rights of Women and Children (ACWC) be further strengthened by, inter alia, broadening their mandates to allow it to receive and look into complaints of alleged human rights violations and to offer their recommendations;

v. That AICHR and ACWC establish a platform for formal engagement and consultation with relevant stakeholders including NHRIs and civil society organisations;

vi. That ASEAN seriously consider establishing, in the foreseeable future, an ASEAN Human Rights Court;

National Human Rights Institutions and Mechanisms

vii.       That ASEAN Member States establish national human rights institutions (NHRIs), where they do not exist, and strengthen the existing ones, in accordance with the Principles relating to the Status of National Institutions for the Promotion and Protection of Human Rights (the Paris Principles);

viii.      That ASEAN recognise the essential role of NHRIs in promoting and protecting human rights at the national, regional and international levels. While currently, only five of the ten ASEAN Member States have NHRIs, it is nonetheless important for ASEAN and its bodies to engage and consult with the existing NHRIs and with SEANF on a regular basis on matters pertaining to human rights;

ix. That ASEAN Member States develop national human rights action plans and effectively implement them;

Civil and Political Rights

x. That ASEAN Member States take measures to guarantee the right to freedom of opinion and expression, the right to information, including freedom of the media, the right to security and freedom from arbitrary detention, as well as freedom from torture and other cruel, inhuman or degrading treatment or punishment, and the right to peaceful assembly and all related rights;

xi. That ASEAN Member States work closely together and redouble their efforts in combating trafficking in persons;

xii.       That ASEAN Member States take progressive steps towards abolishing the death penalty, and pending its abolition, enforce a moratorium on executions;

Business and Human Rights

xiii.      That ASEAN Member States dedicate greater efforts to raising awareness on the responsibility of non-state actors, in particular business entities, be they multinational corporations or small and medium enterprises, to observe human rights principles and standards in the course of their business operations;

xiv.      That ASEAN Member States take steps to put in place policies and regulations that require business entities to undertake human rights due diligence and conduct human rights impact assessments;

xv. That ASEAN Member States develop a national action plan on the implementation of the United Nations Guiding Principles on Business and Human Rights;

xvi.      That ASEAN Member States give due consideration to the serious haze situation in the region that has been recurring for many years. SEANF is disappointed with the lack of action taken by the relevant ASEAN Governments against the perpetrators, including corporations, which have contributed to this highly unfavourable environmental condition that has led to various human rights violations, especially on the right to health. In this regard, SEANF wishes to refer to the United Nations Guiding Principles on Business and Human Rights, which emphasises the obligation of the State to protect human rights and the responsibility of business entities to respect human rights. It is therefore incumbent upon the Governments to ensure that the appropriate laws and policies are in place and are enforced strictly to address this longstanding issue, as well as to combat corruption and eliminate the culture of impunity. Corporate entities must also take into account human rights principles and standards in the course of their operations.

Marginalised and Vulnerable Groups

xvii.     That ASEAN Member States take concrete measures to safeguard the rights of marginalised and vulnerable groups including women, children, persons with disabilities, indigenous peoples, older persons; migrant workers, refugees, asylum seekers and stateless persons;

xviii.    That ASEAN Member States adopt an ASEAN Declaration on the Rights of Older Persons and lend strong support to the international initiative led by the Latin American and Caribbean States for a United Nations Convention on Older Persons;

xix.       That ASEAN Member States expedite the finalisation and adoption of the ASEAN Instrument on the Protection and Promotion of the Rights of Migrant Workers, pursuant to Article 22 of the ASEAN Declaration on the Protection and Promotion of the Rights of Migrant Workers of 2007. The Instrument should be a legally binding document that seeks to promote and protect the human rights of documented and undocumented migrant workers as well as their family members within ASEAN countries;

Economic and Social Rights

xx. That ASEAN Member States make primary education compulsory, equally accessible and free to all;

xxi.       That ASEAN Member States inculcate a culture of human rights by, inter alia, including human rights subjects and courses in schools and institutions of higher learning;

xxii.      That ASEAN Member States undertake the necessary measures, to the maximum extent of their available resources, to ensure that the following rights, as well as other economic, social and cultural rights of the ASEAN peoples are realised and protected:

(a) Right of everyone to the enjoyment of the highest attainable standard of physical and mental health;

(b) Right to adequate, affordable and decent housing;

(c) Right to safe drinking water and sanitation; 5

Right to Development and the Post-2015 Sustainable Development Goals

xxiii.     That ASEAN Member States, in promoting sustainable development, adopt a human rights based approach to development, as well as uphold and abide by the principle of free, prior and informed consent (FPIC);

xxiv.     That ASEAN Member States make every effort, in close cooperation and consultation with various stakeholders, including NHRIs and civil society organisations, to achieve the 17 goals and 169 targets underscored under the recently adopted Post-2015 Sustainable Development Goals within the given timeframe;

xxv.      That the proposed ‘ASEAN Development Goals’, as underscored in the Nay Pyi Taw Declaration on the ASEAN Community’s Post-2015 Vision of November 2014, do not duplicate but complement the Post-2015 Sustainable Development Goals, in addressing the economic and social rights of the ASEAN peoples;

Human Rights and Climate Change

xxvi.     That ASEAN Member States continue to give due attention to the potentially adverse impacts of climate change on the human rights of its peoples, and intensify national and regional efforts to identify and adopt mitigation and adaptation measures that are not in contravention with human rights standards; and

xxvii.    That ASEAN Member States support the adoption of a universal and legally binding international agreement on climate change that will seek to keep global warming below 2 degrees centigrade, at the upcoming 21st Session of the Conference of Parties (COP21) scheduled to take place in Paris from 30 November to 11 December 2015.

  1. We sincerely hope that ASEAN Heads of States/Governments will consider positively the SEANF’s recommendations, with a view to advancing the promotion and protection of human rights in South East Asia.

 

မြန်မာနိုင်ငံအမျိုးသားလူ့အခွင့်အရေးကော်မရှင်နှင့် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) တို့ တွေ့ဆုံခြင်း

၁။   နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ) မှ အတွင်းရေးမှူး ဦးတိတ်နိုင်၊ ဦးအောင်မျိုးကျော်၊ ဦးကျော်ဇင်မင်း (ခ) ဦးဇော်မိုး၊ နိုင်ငံရေးအကျဉ်းသားဟောင်းများ အဖွဲ့မှ ဦးတင်မောင်ဦး၊ ၈၈ မျိုးဆက်ငြိမ်းချမ်းရေးနှင့်ပွင့်လင်းလူ့အဖွဲ့အစည်းမှ ဦးကိုကိုကြီး၊ CSO Forum မှ ဒေါ်ခင်လေးနှင့် ဦးသွင်လင်းအောင်တို့သည် ၅-၁၀-၂၀၁၅ နေ့ မွန်းလွဲ ၂ နာရီမှ ၄ နာရီ အထိ မြန်မာနိုင်ငံအမျိုးသားလူ့အခွင့်အရေးကော်မရှင်ရုံးသို့ လာရောက်ပြီး မြန်မာနိုင်ငံ အမျိုးသား လူ့အခွင့်အရေးကော်မရှင်အဖွဲ့ဝင်များဖြစ်ကြသည့် ဦးဇော်ဝင်း၊ ဦးညွန့်ဆွေ၊ ဒေါက်တာမြင့်ကြည်၊ ဒေါက်တာဉာဏ်ဇော်၊ ဦးစိုးဘုန်းမြင့်တို့နှင့်တွေ့ဆုံ၍ မြန်မာနိုင်ငံအကျဉ်းထောင်များဥပဒေ (မူကြမ်း) နှင့် စပ်လျဉ်း၍ ဆွေးနွေးခဲ့ပါသည်။

၂။   ထိုသို့ဆွေးနွေးရာတွင် နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ) က မြန်မာနိုင်ငံအကျဉ်းထောင်များဥပဒေ (မူကြမ်း) နှင့် စပ်လျဉ်း၍ ပုဒ်မအလိုက် အကြံပြုချက်များ၊ အကြံပြုရခြင်း၏ အကြောင်းရင်းများပါဝင်သော ဇယားတစ်ခုကို ပေးအပ်ခဲ့ပါသည်။ မြန်မာနိုင်ငံ အမျိုးသားလူ့အခွင့်အရေးကော်မရှင် အဖွဲ့ဝင်များက ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ (၂၀၀၈ ခုနှစ်) နှင့် ပြည်တွင်း၊ ပြည်ပ လူ့အခွင့်အရေးဆိုင်ရာ ပြဋ္ဌာန်းချက်များနှင့် နှိုင်းယှဉ်လေ့လာ၍ သုံးသပ်ဆွေးနွေးခဲ့ကြပါသည်။

မြန်မာနိုင်ငံအမျိုးသားလူ့အခွင့်အရေးကော်မရှင်

ရက်စွဲ၊ ၆-၁၀-၂၀၁၅

သာသနာရေးဝန်ကြီးဌာနတွင်လူ့အခွင့်အရေး အကြောင်းသိကောင်းစရာများ ရှင်းလင်းဆွေးနွေးပွဲ ပြုလုပ်ခြင်း

သာသနာရေးဝန်ကြီးဌာန

  • ကျင်းပသည့် နေ့ရက်။ ၂၀၁၅ ခုနှစ်၊ စက်တင်ဘာလ ၃၀ ရက်၊
  • ကျင်းပသည့်အချိန်။ ၁၃:၃၀ နာရီ မှ ၁၆:၀၀ နာရီ အထိ၊

ဆွေးနွေးဟောပြောသည့်ပုဂ္ဂိုလ်များ

  • ကော်မရှင် ဒုတိယဥက္ကဋ္ဌ ဦးစစ်မြိုင်
  • ကော်မရှင် အဖွဲ့ဝင် ဒေါက်တာဒေါ်သန်းနွဲ့

ဆွေးနွေးဟောပြောသည့် ဘာသာရပ်များ

  • လူ့အခွင့်အရေးသမိုင်းကြောင်းနှင့် အခြေခံသဘောတရားများ၊
  • မြန်မာနိုင်ငံအမျိုးသား လူ့အခွင့်အရေး ကော်မရှင် ဖွဲ့စည်းခြင်းနှင့် လုပ်ငန်းဆောင်ရွက်ချက်များ၊
  • မြန်မာနိုင်ငံ အမျိုးသား လူ့အခွင့်အရေး ကော်မရှင် ဥပဒေ၊

တက်ရောက်သည့် ပုဂ္ဂိုလ်များ

  • သာသနာရေးဝန်ကြီးဌာနမှ အမြဲတမ်းအတွင်းဝန် ဦးခိုင်အောင်နှင့် အဆင့်မြင့် အရာရှိကြီးများ အပါအဝင် အရာထမ်း၊ အမှုထမ်း (၂၀၀) ဦး၊

 

ဟိုတယ်နှင့် ခရီးသွားလာရေး လုပ်ငန်း ဝန်ကြီးဌာနတွင် လူ့အခွင့်အရေး အကြောင်းသိကောင်းစရာများ ရှင်းလင်းဆွေးနွေးပွဲ ပြုလုပ်ခြင်း

ဟိုတယ်နှင့် ခရီးသွားလာရေး လုပ်ငန်း ဝန်ကြီးဌာန

  • ကျင်းပသည့် နေ့ရက်။ ၂၀၁၅ ခုနှစ်၊ စက်တင်ဘာလ ၃၀ရက်၊
  • ကျင်းပသည့်အချိန်။ ၀၉:၃၀ နာရီ မှ ၁၂:၀၀ နာရီ အထိ၊

ဆွေးနွေးဟောပြောသည့်ပုဂ္ဂိုလ်များ

  • ကော်မရှင် ဒုတိယဥက္ကဋ္ဌ ဦးစစ်မြိုင်
  • ကော်မရှင် အဖွဲ့ဝင် ဒေါက်တာဒေါ်သန်းနွဲ့

ဆွေးနွေးဟောပြောသည့် ဘာသာရပ်များ

  • လူ့အခွင့်အရေးသမိုင်းကြောင်းနှင့် အခြေခံသဘောတရားများ၊
  • မြန်မာနိုင်ငံအမျိုးသား လူ့အခွင့်အရေး ကော်မရှင် ဖွဲ့စည်းခြင်းနှင့် လုပ်ငန်းဆောင်ရွက်ချက်များ၊
  • မြန်မာနိုင်ငံ အမျိုးသား လူ့အခွင့်အရေး ကော်မရှင် ဥပဒေ၊

တက်ရောက်သည့် ပုဂ္ဂိုလ်များ

  • အဆင့်မြင့် အရာရှိကြီးများ အပါအဝင် အရာထမ်း၊ အမှုထမ်း (၈၀) ဦး တက်ရောက်ခဲ့ ပါသည်။

 

အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်ရေး ဝန်ကြီးဌာနတွင် လူ့အခွင့်အရေးအကြောင်း သိကောင်းစရာများ ရှင်းလင်း ဆွေးနွေးပွဲ ပြုလုပ်ခြင်း

လူ့အခွင့်အရေး အကြောင်းသိကောင်းစရာများ ရှင်းလင်းဆွေးနွေးပွဲ ပြုလုပ်ခြင်း

အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်ရေး ဝန်ကြီးဌာန

  • ကျင်းပသည့် နေ့ရက်။ ၂၀၁၅ ခုနှစ်၊ စက်တင်ဘာလ ၂၉ ရက်၊
  • ကျင်းပသည့်အချိန်။ ၁၃:၃၀ နာရီ မှ ၁၆:၀၀ နာရီ အထိ၊

ဆွေးနွေးဟောပြောသည့်ပုဂ္ဂိုလ်များ

  • ကော်မရှင် ဒုတိယဥက္ကဋ္ဌ ဦးစစ်မြိုင်
  • ကော်မရှင် အဖွဲ့ဝင် ဒေါက်တာဒေါ်သန်းနွဲ့

ဆွေးနွေးဟောပြောသည့် ဘာသာရပ်များ

  • လူ့အခွင့်အရေးသမိုင်းကြောင်းနှင့် အခြေခံသဘောတရားများ၊
  • မြန်မာနိုင်ငံအမျိုးသား လူ့အခွင့်အရေး ကော်မရှင် ဖွဲ့စည်းခြင်းနှင့် လုပ်ငန်းဆောင်ရွက်ချက်များ၊
  • မြန်မာနိုင်ငံ အမျိုးသား လူ့အခွင့်အရေး ကော်မရှင် ဥပဒေ၊

တက်ရောက်သည့် ပုဂ္ဂိုလ်များ

  • အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်ရေး ဝန်ကြီးဌာနမှ ဒုတိယအမြဲတမ်း အတွင်းဝန် ဦးသန့်စင်နှင့် အဆင့်မြင့် အရာရှိကြီးများ အပါအဝင် အရာထမ်း၊ အမှုထမ်း (၂၅၀) ဦး၊