မြန်မာဘာသာမှ (ကချင်/ မွန်/ ရှမ်း) ဘာသာဖြင့် ဘာသာပြန်ဆိုထားသော ကမ္ဘာ့လူ့အခွင့် အရေးကြေညာစာတမ်းဒုတိယအကြိမ် ဖြန့်ချိခြင်းအခမ်းအနားကျင်းပ

၁။      မြန်မာနိုင်ငံအမျိုးသားလူ့အခွင့်အရေးကော်မရှင်သည် လူ့အခွင့်အရေးမြှင့်တင်ရေးနှင့် ကာကွယ်စောင့်ရှောက်ရေး လုပ်ငန်းများကိုအရှိန်အဟုန်မြှင့်တင်ဆောင်ရွက်လျက်ရှိရာ ကမ္ဘာ့လူ့အခွင့်အရေးကြေညာစာတမ်းကို မြန်မာဘာသာမှ ကချင်၊ မွန်၊ ရှမ်းဘာသာများဖြင့် ပြန်ဆိုပြီး ပထမအကြိမ် ကမ္ဘာ့လူ့အခွင့်အရေး ကြေညာစာတမ်းမိတ်ဆက်ဖြန့်ဝေခြင်း အခမ်းအနားကို ၂၀၁၅ခုနှစ်၊ သြဂုတ်လ ၇ ရက်နေ့တွင် ကျင်းပပြုလုပ်ခဲ့ပါသည်။ ဒုတိယအကြိမ်ဖြန့်ချိသည့် အခမ်းအနားကို ၂၀၁၆ခုနှစ်၊ဧပြီလ ၁ရက်နေ့ နံနက် (၁၀:၀၀)နာရီက ရန်ကုန်မြို့ရှိမြန်မာနိုင်ငံ အမျိုးသားလူ့အခွင့်အရေးကော်မရှင်ရုံး၌ ကျင်းပခဲ့သည်။

၂။      အခမ်းအနားတွင် မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဋ္ဌဦးဝင်းမြကအဖွင့် အမှာစကားပြော ကြားခဲ့ပြီးကော်မရှင်ဥက္ကဋ္ဌဦးဝင်းမြ၊ ဒုတိယဥက္ကဋ္ဌနှင့်  အဖွဲ့ဝင်များဖြစ်ကြသော ဦးညွန့်ဆွေ၊ ဒေါက်တာဉာဏ်ဇော်နှင့် ဒေါ်မြမြတို့ကသက်ဆိုင်ရာတိုင်းရင်းသား စာပေနှင့်ရိုးရာ ယဉ်ကျေးမှုကော်မတီများမှ တာဝန်ရှိသူများထံသို့ ကမ္ဘာ့လူ့ အခွင့်အရေး ကြေညာစာတမ်း (ကချင်၊ မွန်၊ ရှမ်း) ဘာသာစာအုပ်များကိုပေးအပ်ခဲ့သည်။

၃။      အခမ်းအနားသို့ ကော်မရှင်ဥက္ကဋ္ဌ၊ ဒုတိယဥက္ကဋ္ဌနှင့် ကော်မရှင်အဖွဲ့ဝင်များ၊ ရုံးဝန်ထမ်းများ၊ ကချင် လူမျိုးရိုးရာယဉ်ကျေးမှုကော်မတီ၊ ကျိုင်းတုံအသင်း၊ ရှမ်းစာပေနှင့် ယဉ်ကျေးမှုအဖွဲ့၊ မွန်စာပေနှင့် ယဉ်ကျေးမှုကော်မတီနှင့် ရှင်စောပုအမျိုးသမီးစွမ်းဆောင်ရှင် အသင်းမှ တာဝန်ရှိသူများစုစုပေါင်း ( ၃၀ ) ဦးခန့် တက်ရောက်ကြကြောင်းသတင်းရရှိပါသည်။