တပ်မတော်(ကြည်း) တိုက်ခိုက်ရေးကျောင်း (ဗထူး) တွင် လူ့အခွင့်အရေးဆိုင်ရာ သိကောင်းစရာများ ပို့ချခြင်း

၂၀၁၇ ခုနှစ်၊ သြဂုတ်လ (၂) ရက်နေ့မှ (၃) ရက်နေ့အထိ တပ်မတော်(ကြည်း) တိုက်ခိုက်ရေး ကျောင်း (ဗထူး) တွင် ဖွင့်လှစ်လျက်ရှိသော ခြေလျင် တပ်ရင်းမှူး သင်တန်း အမှတ်စဉ် (၈၃) နှင့် ခြေလျင် တပ်ခွဲမှူးသင်တန်းအမှတ်စဉ် (၁၉၄) တို့တွင် ကော်မရှင်အဖွဲ့ဝင် ဦးခင်မောင်လေး၊ ကော်မရှင်ရုံး ညွှန်ကြားရေးမှူး ဒေါက်တာ ခိုင်ခိုင်ဝင်းတို့က လူ့အခွင့်အရေး အခြေခံအယူအဆ များ၊ ကမ္ဘာ့ လူ့အခွင့်အရေးကြေညာစာတမ်း၊ မြန်မာနိုင်ငံ လူ့အခွင့်အရေး ကော်မရှင် အကြောင်း၊ ကုလသမဂ္ဂ လူ့အခွင့်အရေးယန္တရားများ အကြောင်းစသည့် အကြောင်းအရာများအား ပို့ချခဲ့ပါသည်။ သင်တန်းသားများက သိရှိလိုသည်များကိုလည်း ပြန်လည် ဖြေကြားခဲ့ပါသည်။