ကမ္ဘာ့လူ့အခွင့်အရေး ကြေညာစာတမ်း၏ နှစ်(၇၀)ပြည့် အထိမ်းအမှတ် အခမ်းအနားကျင်းပနိုင်ရေး လုပ်ငန်းကော်မတီအစည်းအဝေး အမှတ်စဉ်(၂/၂၀၁၈) အစည်းအဝေးကျင်းပခြင်း

၂၀၁၈ခုနှစ်၊ ဒီဇင်ဘာလ ၁၀ ရက်နေ့တွင်ကျရောက်မည့် ကမ္ဘာ့လူ့အခွင့်အရေး ကြေညာစာတမ်း ၏နှစ်(၇၀)ပြည့် အထိမ်းအမှတ် အခမ်းအနားကျင်းပနိုင်ရေး လုပ်ငန်းကော်မတီအစည်းအဝေး အမှတ်စဉ်(၂/၂၀၁၈)အား ၂၀၁၈ခုနှစ်၊ အောက်တိုဘာလ ၅ ရက်၊(သောကြာနေ့)၊ နေ့လယ် ၁၄:၀၀နာရီအချိန်တွင် မြန်မာနိုင်ငံ အမျိုးသား လူ့အခွင့်အရေး ကော်မရှင်ရုံး၌ ကျင်းပပြုလုပ်ခဲ့ရာ ဗဟိုကော်မတီအဖွဲ့ခေါင်းဆောင် ကော်မရှင်ဒုတိယဥက္ကဋ္ဌ ဦးစစ်မြိုင်တက်ရောက် အဖွင့်အမှာစကား ပြောကြားခဲ့ပြီး ခေတ္တညွှန်ကြားရေးမှူးချုပ် ဦးဘုန်းကြွယ်က ယခင်လုပ်ငန်း ကော်မတီအစည်းအဝေး (၁/၂၀၁၈) ၏ အစည်းအဝေးဆုံးဖြတ်ချက်များနှင့် ဆောင်ရွက် ထားရှိမှုအား တင်ပြခဲ့ပါသည်။ ထို့နောက် အခမ်းအနားတက်ရောက်လာကြသူများက အခမ်းအနား ကျင်းပနိုင်ရေးကိစ္စရပ်များနှင့် စပ်လျဉ်း၍ တင်ပြဆွေးနွေးခြင်း၊ ယခင်းလုပ်ငန်းအဖွဲ့ ဖွဲ့စည်းထားရှိမှုနှင့်  တိုးတက်မှုအခြေအနေများ ကို ရှင်းလင်းတင်ပြခဲ့ကြပါသည်။