ကမ္ဘာ့လူ့အခွင့်အရေး ကြေညာစာတမ်း နှစ် (၇၀) ပြည့် အထိမ်းအမှတ် အခမ်းအနား ကျင်းပနိုင်ရေး လုပ်ငန်း ကော်မတီ အစည်းအဝေး ကျင်းပခြင်း

၁၉၄၈ ခုနှစ် ဒီဇင်ဘာလ ၁၀ ရက်နေ့တွင် ထွက်ပေါ်လာသည့် ကမ္ဘာ့လူ့အခွင့်အရေး ကြေညာ စာတမ်းသည် ၂၀၁၈ ခုနှစ်တွင် နှစ် ၇၀ ပြည့်မြောက်ခဲ့ပြီ ဖြစ်ပါသည်။ အဆိုပါ ကြေညာ စာတမ်း ၏နှစ် (၇၀) ပြည့် အခမ်းအနား ကျင်းပနိုင်ရေးအတွက် လုပ်ငန်း ကော်မတီ အစည်းအဝေးကို မြန်မာနိုင်ငံ အမျိုးသား လူ့အခွင့်အရေး ကော်မရှင်ရုံး၌ ၂၀၁၈ ခုနှစ်၊ အောက်တိုဘာလ ၁ ရက်နေ့၊ နံနက် ၁၀:၀၀ နာရီတွင် ကျင်းပခဲ့ရာ ကျင်းပရေး ဗဟိုလုပ်ငန်းကော်မတီ အဖွဲ့ခေါင်းဆောင်၊ ကော်မရှင် ဒုတိယဥက္ကဋ္ဌ ဦးစစ်မြိုင် တက်ရောက်၍ အဖွင့်အမှာစကား ပြောကြားခဲ့ပြီး ခေတ္တ ညွှန်ကြားရေးမှူးချုပ် ဦးဘုန်းကြွယ်က ယခင်ဆောင်ရွက်ခဲ့သည့် လူ့အခွင့်အရေး အခမ်းအနား များနှင့် စပ်လျဉ်း၍ တင်ပြခဲ့ပါသည်။ ထို့နောက် တက်ရောက်သူများက အခမ်းအနား ကျင်းပနိုင်ရေး ကိစ္စရပ်များနှင့် တင်ပြဆွေးနွေးခြင်း၊ လုပ်ငန်းအဖွဲ့များ ဖွဲ့စည်းခြင်းတို့ကို ဆောင်ရွက်ခဲ့ကြပါသည်။