ဗီဒီယိုများ

တိုင်တန်းချက်များ စိစစ်ဆောင်ရွက်ခြင်း

    လူ့အခွင့်အရေး ကာကွယ်စောင့်ရှောက်ရေးဌာနသည် ၂၀၂၅ ခုနှစ်၊ ဖေဖော်ဝါရီလအတွင်း တိုင်တန်းချက် (၂၉) စောင်၊ ဇန်နဝါရီလ တိုင်တန်းချက်လက်ကျန် (၅) စောင်၊ စုစုပေါင်း တိုင်တန်းချက် (၃၄) စောင် စိစစ်ဆောင်ရွက်ခဲ့ပါသည်။ တိုင်တန်းချက်များကို  ကော်မရှင်စုံစမ်း စစ်ဆေးရေး အဖွဲ့အစည်းအဝေး (၄) ကြိမ် ကျင်းပပြုလုပ်၍ စိစစ်ခဲ့ရာ တိုင်တန်းချက် (၂) စောင်ကို သက်ဆိုင်ရာဝန်ကြီးဌာနသို့ လည်းကောင်း၊ တိုင်တန်းချက် (၄) စောင်ကို ကာယကံရှင်ထံသို့လည်းကောင်း အကြံပြုပြန်ကြားခဲ့ပြီး တိုင်တန်းချက် (၂၅) စောင်ကို ကော်မရှင် ဥပဒေပုဒ်မ ၃၇ (က) အရလည်းကောင်း၊ ကော်မရှင် ဥပဒေပုဒ်မ ၃၇ (ခ) အရလည်းကောင်း၊ ကော်မရှင်ဥပဒေပုဒ်မ ၃၂ (ခ) အရလည်းကောင်း၊ ကော်မရှင်ဥပဒေ ပုဒ်မ ၃၂ (ဂ) အရလည်းကောင်း၊ တိုင်စာအင်္ဂါရပ်နှင့် မညီ၍လည်းကောင်း၊ ယခင်ဆောင်ရွက် ပြီးဖြစ်၍လည်းကောင်း မှတ်တမ်းထားရှိခဲ့ပါသည်။ ဖေဖော်ဝါရီလတွင် တိုင်တန်းချက် လက်ကျန် (၃) စောင် ကျန်ရှိပါသည်။