မြန်မာနိုင်ငံ အမျိုးသား လူ့အခွင့်အရေး ကော်မရှင်သည် ကော်မရှင် ဥပဒေပုဒ်မ ၂၂ (က) ပါ ပြဋ္ဌာန်းချက်များနှင့်အညီ အများပြည်သူ၏ လူ့အခွင့်အရေး အသိပညာ မြင့်မားလာစေရေးအတွက် သတင်းအချက်အလက်များဖြန့်ချိခြင်း၊ ပညာပေးခြင်းလုပ်ငန်းများကို ဆောင်ရွက်လျက်ရှိပါသည်။

မြန်မာနိုင်ငံ အမျိုးသား လူ့အခွင့်အရေး ကော်မရှင်ဥက္ကဋ္ဌ ဦးပေါ်လွင်စိန်သည် နိုင်ငံခြားရေးဝန်ကြီးဌာန (နေပြည်တော်) ၌ ဖွင့်လှစ်လျက်ရှိသော အရာထမ်းငယ်များအတွက် သံတမန်ရေးရာ သင်တန်း (Course in Diplomacy- CID) အမှတ်စဥ် (၈/ ၂၀၂၄) သို့ ၁၄-၁၁-၂၀၂၄ ရက်နေ့၊ ၁၃း၀၀ နာရီမှ ၁၅း၅၀ နာရီအချိန်တွင်   မြန်မာနိုင်ငံ အမျိုးသား လူ့အခွင့်အရေး ကော်မရှင်အကြောင်း ဘာသာရပ် သင်ခန်းစာကို သွားရောက်ပို့ချခဲ့ပါသည်။ အဆိုပါသင်တန်းတွင် ကော်မရှင်ဥက္ကဋ္ဌက မြန်မာနိုင်ငံ အမျိုးသား လူ့အခွင့်အရေး ကော်မရှင် ဖွဲ့စည်းပေါ်ပေါက်လာပုံ၊ ကော်မရှင်ဥပဒေ ပြဋ္ဌာန်းဖြစ်ပေါ်လာပုံနှင့် ဥပဒေပါ တာဝန်နှင့်လုပ်ပိုင်ခွင့်များ ကော်မရှင်၏ လက်တွေ့အကောင်အထည်ဖော်နေမှုများ၊ လူ့အခွင့်အရေး ချိုးဖောက်မှုများအား ကော်မရှင်မှ ကိုင်တွယ်ဖြေရှင်းဆောင်ရွက်နေမှုများစသည့် ဘာသာရပ်များကို ဆက်စပ်ရှင်းလင်းပို့ချခဲ့ပါသည်။ သင်တန်းတွင် သင်တန်းသူ/သားဦးရေ (၃၀) ဦး တက်ရောက်ခဲ့ကြပြီး သင်တန်းသားများမှသိရှိလိုသည့် မေးခွန်းများကိုမေးမြန်းကြရာ ကော်မရှင်ဥက္ကဋ္ဌ ဦးပေါ်လွင်စိန်က ပြန်လည်ဖြေကြားခဲ့ပါသည်။

မြန်မာနိုင်ငံအမျိုးသားလူ့အခွင့်အရေးကော်မရှင်