မြန်မာနိုင်ငံ အမျိုးသား လူ့အခွင့်အရေး ကော်မရှင်၏ကော်မရှင်ပုဒ်မ ၂၂ (က) ပါ ပြဌာန်းချက်များနှင့်အညီ အများပြည်သူ၏လူ့အခွင့်အရေးအသိပညာ မြင့်မားလာစေရေးအတွက် သတင်းအချက်အလက်များဖြန့်ချီခြင်း၊ ပညာပေးခြင်းလုပ်ငန်းများကို နည်းလမ်းမျိုးစုံဖြင့် အရှိန်အဟုန်မြှင့်တင် ဆောင်ရွက်လျက်ရှိသည့်နည်းတူ ကမ္ဘာ့လူ့အခွင့်အ‌ရေးကြေညာစာတမ်း (၇၅) နှစ်မြောက်အခါ သမယတွင် လူ့အခွင့်အရေးမြှင့်တင်ပညာ‌ပေးရေးလုပ်ငန်းများကိုလည်း အရှိန်အဟုန်မြှင့်တင်ဆောင် ရွက်လျက်ရှိပါသည်။ မြန်မာနိုင်ငံ အမျိုးသား လူ့အခွင့်အရေး ကော်မရှင်ရုံး၊ ကော်မရှင်အဖွဲ့ဝင် ဒေါက်တာသန်းမြင့်နှင့် ဦးစီးအရာရှိ ဦးကောင်းခန့်ဇင်တို့သည် မရမ်းကုန်းမြို့နယ်ရှိ သက်ကြီးရွယ်အိုများ နေ့ပိုင်းစောင့်ရှောက်ရေးဂေဟာတွင် ဖွင့်လှစ်လျက်ရှိသော သင်တန်းအပတ်စဉ် (၁၃) ၌ ၂၀-၃-၂၀၂၂ ရက်နေ့ နံနက် ၀၉:၀၀ နာရီမှ  နေ့လည် ၁၂:၀၀ နာရီ အချိန်အထိ လူ့အခွင့်အရေးဆိုင်ရာ သင်ခန်းစာများ သွားရောက်ပို့ချခဲ့ပါသည်။ အဆိုပါသင်တန်းတွင် ကော်မရှင်အဖွဲ့ဝင် ဒေါက်တာသန်းမြင့်သည် လူ့အခွင့်အရေးအခြေခံအယူအဆများနှင့် ဦးစီးအရာရှိ ဦးကောင်းခန့်ဇင်သည် ကမ္ဘာ့လူ့အခွင့်အရေး ကြေညာစာတမ်းအကြောင်းနှင့် သက်ကြီးရွယ်အို အခွင့်အရေးများစသည့် သင်ခန်းစာများ ပို့ချခဲ့ပါ သည်။ သင်တန်းတွင် စုစုပေါင်းသင်တန်းသားဦးရေ (၂၀) ဦးနှင့် ကျောင်းမှ ဘိုးဘွားများ တက်ရောက်ခဲ့ကြပြီး သင်တန်းသားများမှ သိရှိလိုသည့် မေးခွန်းများကို မေးမြန်းကြရာ ကော်မရှင်အဖွဲ့ဝင် ဒေါက်တာသန်းမြင့်က ပြန်လည်ဖြေကြားခဲ့ပါသည်။

                                                                             မြန်မာနိုင်ငံအမျိုးသားလူ့အခွင့်အရေးကော်မရှင်