၂၀၂၅ ခုနှစ်၊ မတ်လ ၂၈ ရက်နေ့ မြန်မာစံတော်ချိန် ၁၂ နာရီ ၅၁ မိနစ် ၀၂ စက္ကန့်အချိန်တွင် အလွန်ပြင်းထန်သည့် မြေငလျင်လှုပ်ခတ်ခဲ့မှုကြောင့် အသက်ဆုံးရှုံးမှုများနှင့် ပျက်စီးဆုံးရှုံးခဲ့ရမှုများအတွက် စာနာနားလည်မှုများနှင့်အတူ ထပ်တူခံစားလျက် နိုင်ငံတော်အဆင့်ဝမ်းနည်းခြင်း အထိမ်းအမှတ်နေ့ရက်အဖြစ် ၃၁-၃-၂၀၂၅ ရက်နေ့မှ ၆-၄-၂၀၂၅ ရက်နေ့အထိ (၇) ရက်ကို နိုင်ငံတော်အဆင့်  ဝမ်းနည်းခြင်း အထိမ်းအမှတ်နေ့ရက်အဖြစ် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌက သတ်မှတ်ကြေညာခဲ့ပြီးဖြစ်သည်။

    နိုင်ငံတော်အဆင့် ဝမ်းနည်းခြင်း အထိမ်းအမှတ်နေ့ရက် တစ်နိုင်ငံလုံးအတိုင်းအတာလှုပ်ရှားမှုအဖြစ် ဧပြီလ ၁ ရက်တွင် နိုင်ငံတော်အလံအား တိုင်ဝက်လျှော့ချ၍ လွှင့်ထူထားသောအလံတိုင်ရှေ့၌ ဝမ်းနည်းခြင်း အထိမ်းအမှတ်အဖြစ် တစ်မိနစ်ငြိမ်သက်၍ ဦးညွတ်ဂါရဝပြုခြင်း အခမ်းအနားကို မြန်မာနိုင်ငံအမျိုးသားလူ့အခွင့်အရေးကော်မရှင်ရုံးချုပ် (ရန်ကုန်)၊ နေပြည်တော် (ရုံးခွဲ)၊ မန္တလေး (ရုံးခွဲ) ၊ စစ်တွေ (ရုံးခွဲ)  နှင့် ပုသိမ် (ရုံးခွဲ) တို့တွင် ၁၂ နာရီ ၅၁ မိနစ် ၀၂ စက္ကန့်အချိန်၌ ကျင်းပပြီး အသက်ဆုံးရှုံးခဲ့ပြီး စည်းစိမ်ဥစ္စာပျက်စီးခဲ့သူများအတွက် ဆုတောင်းမေတ္တာပို့သခြင်းကိုလည်း ဆောင်ရွက်ခဲ့သည်။