၁။    မြန်မာနိုင်ငံ အမျိုးသား လူ့အခွင့်အရေး ကော်မရှင် ဥက္ကဋ္ဌနှင့် ကော်မရှင်အဖွဲ့ဝင်များအား မြန်မာနိုင်ငံသတင်းမီဒီယာကောင်စီ ဥက္ကဋ္ဌနှင့် အလုပ်အမှုဆောင်အဖွဲ့ဝင်များက ၁၁-၆-၂၀၂၅ ရက်နေ့၊ (၁၃း၀၀)နာရီအချိန် ကော်မရှင်ရုံး Conference Room သို့ လာရောက်တွေ့ဆုံ၍ နိုင်ငံတော် အကျိုးပြုလုပ်ငန်းနယ်ပယ်များတွင် ပူးပေါင်းဆောင်ရွက်နိုင်မည့် ကိစ္စရပ်များအား ဆွေးနွေးခဲ့ကြပါသည်။

၂။    တွေ့ဆုံရာတွင် မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဋ္ဌ ဦးပေါ်လွင်စိန် နှင့် အဖွဲ့ဝင်များ၊ ညွှန်ကြားရေးမှူးချုပ်နှင့် တာဝန်ရှိသူများ၊ မြန်မာနိုင်ငံသတင်းမီဒီယာကောင်စီ ဥက္ကဋ္ဌ ဒေါက်တာတင်ထွန်းဦးနှင့် အလုပ်အမှုဆောင်အဖွဲ့ဝင်များ တက်ရောက်ကြပါသည်။

၃။    ထိုသို့တွေ့ဆုံရာတွင် ကော်မရှင်ဥက္ကဋ္ဌက လူ့အခွင့်အရေးကော်မရှင် သမိုင်းကြောင်းနှင့် လုပ်ငန်းတာဝန်များအား ရှင်းလင်းပြောကြားပြီး သတင်းမီဒီယာကောင်စီ ဥက္ကဋ္ဌက ကောင်စီ၏ လုပ်ငန်းတာဝန်များနှင့် ရည်မှန်းချက်များကို ရှင်းလင်းပြောကြားခဲ့ပါသည်။ ထို့နောက် ကော်မရှင် အဖွဲ့ဝင်များနှင့် ကောင်စီအလုပ်အမှုဆောင် အဖွဲ့ဝင်များက တာဝန်ယူကြသည့် ဘာသာရပ်နှင့် ကဏ္ဍများအလိုက် ဆောင်ရွက်မှုများကို အမြင်ချင်းဖလှယ်၍ မြန်မာနိုင်ငံအမျိုးသားလူ့အခွင့်အရေး ကော်မရှင်နှင့် မြန်မာနိုင်ငံသတင်းမီဒီယာကောင်စီတို့ ပူးပေါင်းဆောင်ရွက်နိုင်မည့် လုပ်ငန်းများအား ဆွေးနွေးခဲ့ကြပြီး တွေ့ဆုံပွဲကို (၁၅း၃၀) နာရီအချိန်တွင် ရုပ်သိမ်းခဲ့ပါသည်။

မြန်မာနိုင်ငံအမျိုးသားလူ့အခွင့်အရေးကော်မရှင်